Azərbaycan Basketbol Liqasının son qalibi "Sabah" amerikalı forvard Evan Bruinsmanı heyətinə qatıb.

Prosport.Az xəbər verir ki, 2,02 sm boya malik hücumçu ilə müqavilənin müddəti 1 ildir.

O, karyerası ərzində Lüksemburq, Çexiya, Bolqarıstan, Niderland, Macarıstan, Almaniya, İsrail və Türkiyə çempionatlarında çıxış edib.

Qeyd edək ki, E.Bruinsma Niderlandın "Donar" və Macarıstanın "Falko Sombathey" komandaları ilə ölkə çempionu, həmçinin kubokun qalibi olub. O, karyerası ərzində FIBA Avropa Kuboku və Çempionlar Liqası turnirlərində də mübarizə aparıb.