3x3 basketbol üzrə Dünya Qadın Seriyasının “Sea Breeze” mərhələsində ilk oyun gününün qarşılaşmaları keçirilib.

Prosport.Az xəbər verir ki, Azərbaycanı turnirdə təmsil edən “Neftçi SOCAR” ilk qrup oyununda İspaniyanın “Arrasate Ointxe” klubunu 12:10, ikinci görüşdə isə Çinin “Yanjinq” komandasını 21:13 hesabı ilə məğlub edib.

Bu nəticələrdən sonra 2 qələbə qazanan “Neftçi SOCAR” qrup lideri kimi 1/4 finala vəsiqə qazanıb.

Qeyd edək ki, Azərbaycan təmsilçisinin 1/4 finaldakı rəqibi İspaniyanın “Madrid” klubu olacaq.