Avqustun 18-dən Böyük Britaniyanın Birminqem şəhərində keçirilən VII IBSA (Görmə Məhdudiyyətli İdmançılar Assosiasiyası) Ümumdünya Oyunlarında Azərbaycanın daha bir idmançısı medal qazanıb.
Prosport.Az xəbər verir ki, paracüdo üzrə Paralimpiya çempionumuz Xanım Hüseynova (70 kq, J2) finalda uduzaraq gümüş medalla kifayətlənib.
Qeyd edək ki, daha əvvəl cüdoçularımızdan Paralimpiya çempionumuz Şəhanə Hacıyeva (48 kq, J2) bürünc medal qazanmışdı.
Avqustun 27-dək davam edəcək yarışda Azərbaycan şahmat və paracüdoda təmsil olunur. Bundan başqa, yarışın proqramında kamandan oxatma, kriket, futbol, qolbol, pauerliftinq, şoudaun, boulinq və tennis idman növləri var.