Kişi basketbolçulardan ibarət Azərbaycanın U-18 millisi Avropa çempionatının B divizionunda ilk oyununa çıxıb.

Prosport.Az xəbər verir ki, yığmamız turnirin startında Polşa seçməsi ilə üz-üzə gəlib. Qarşılaşma Polşa komandasının 70:60 hesablı qələbəsi ilə yekunlaşıb.

Azərbaycan millisinin heyətində Hüseyn Məmmədov 16, İsmayıl Abdullayev isə 14 xalla komandanın ən məhsuldar oyunçuları olublar.

Qeyd edək ki, U-18 millimiz növbəti görüşünü sabah – iyulun 25-də Ukrayna yığmasına qarşı keçirəcək.