"Real Madrid" basketbol klubu Eli Ndiayenin transferi ilə bağlı "Valensiya Basket"in təklifini uyğunlaşdıraraq oyunçunu heyətində saxlayıb.

Prosport.Az xəbər verir ki, bu barədə İspaniya Basketbol Liqası məlumat yayıb.

Bildirilib ki, "Valensiya Basket" iyulun 18-də Eli Ndiaye üçün rəsmi təklif təqdim edib. "Real Madrid" isə müəyyən olunmuş müddət ərzində həmin təklifi uyğunlaşdıraraq basketbolçunun transfer hüquqlarını özündə saxlayıb.

Bununla da "Real Madrid" akademiyasının yetirməsi olan Eli John Ndiaye komandada çıxışını davam etdirəcək.

Qeyd edək ki, İspaniya Basketbol Liqasının qaydalarına əsasən, Madrid təmsilçisinin rəsmi bildiriş aldıqdan sonra təklifi uyğunlaşdırmaq üçün beş təqvim günü vaxtı olub. Bu müddət iyulun 24-də başa çatıb.