Yeni mövsümdə Azərbaycanı FIBA Çempionlar Liqasında təmsil edəcək “LANDAU Layns” komandası təcrübəli basketbolçu Orelik Qediminasla yeni müqavilə imzalayıb.

Prosport.Az xəbər verir ki, Bakı klubu litvalı basketbolçu ilə 1 illik yeni müqavilə imzalayıb.

Xatırladaq ki, Qediminas ötən ilin avqust ayında komandaya transfer olunub.

36 yaşlı oyunçu karyerası ərzində bir çox klubların şərəfini qoruyub. 2 metr boya malik hücumçu müxtəlif vaxtlarda Türkiyənin "Banvit" və "Beşiktaş" klublarının formasını geyinib. O, 2018-ci ildə İtaliyanın "Umara Reyer" klubu ilə FIBA Avropa kubokunun qalibi olmağı bacarıb. Orelik Qediminas Azərbaycana gəlmədən əvvəl Rumıniya təmsilçisi "Universitatya" klubunda çıxış edib.