FIBA Avropa Kubokunda mübarizə aparacaq "Neftçi"nin ilk legioner transferinin adı bilinib.

Prosport.Az-ın xəbərinə görə, bu, amerikalı basketbolçu Ayzeya Vaytheddir.

31 yaşlı basketbolçu 2016-2018-ci illərdə MBA-da "Bruklin Nets"in heyətində olması ilə tanınır. Qard mövqeyində olan oyunçu Rusiyada "Lokomotiv" (Kuban), Qazaxıstanda "Astana", Monteneqroda "Mornar", Türkiyədə "Beşiktaş", Almaniyada "Rizen", İsraildə "İroni" (Nes Siona), Polşada "Şlyonsk" və "Kinq" komandalarında legioner karyerası yaşayıb. Onun son klubu Nes Siona "İroni"si olub.

Qeyd edək ki, "Neftçi" FIBA Avropa Kubokunun təsnifat mərhələsində Estoniyanın "Transkom Parnu" komandası ilə qarşılaşacaq. İlk görüş 23 sentyabrda Parnu şəhərində olacaq. Cavab matçı 1 həftə sonra Bakıda baş tutacaq. Qalib gələn komanda müntəzəm mövsümə vəsiqə qazanacaq.