Niderlandın Rotterdam şəhərində keçirilən Avropa para çempionatında Azərbaycanın tutduğu yer məlum olub.

Prosport.Az-ın xəbərinə görə, sonuncu gündə güllə atıcısı Aybəniz Babayeva 10 metr məsafəyə yarışda bürünc medal qazanıb.

Bununla da Azərbaycan paralimpiyaçılarının multiidman yarışında qazandığı medalların sayı 13-ə çatıb. Bunlardan 4-ü qızıl, 4-ü gümüş və 5-i bürünc medaldır. Bu nəticələrdən sonra Azərbaycan yarışı medal sıralamasında 11-ci sırada başa vurub.

Medal sıralamasını Fransa 1-ci sırada başa vurub. 67 medal qazanan fransalılarda medallardan 25-i qızıl, 17-si gümüş və 25-i bürünc medaldır. İtaliya 2-ci (19-13-16) və təşkilatçı ölkə Niderland 3-cü (17-10-6) olub.

Qeyd edək ki, ilk dəfə keçirilən bu yarışın 2-cisinin ölkəmizdə keçirilməsi variantı da var. Bunun üçün Azərbaycan Milli Paralimpiya Komitəsinə müraciət olunub.