Azərbaycanın 20 yaşadək oğlan basketbolçulardan ibarət millisi Avropa çempionatının B divizionunda ilk qələbəsini qazanıb.

Prosport.Az xəbər verir ki, iulun 12-də Slovakiyanın paytaxtı Bratislavada keçirilən ikinci qrup oyununda yığmamız ev sahibi Slovakiya seçməsi ilə qarşılaşıb. Gərgin mübarizə şəraitində keçən görüş millimizin 72:66 hesablı qələbəsi ilə başa çatıb.

Matçın ən məhsuldar basketbolçusu Azərbaycan millisinin üzvü Emanuel Aqbason olub. O, 26 xal və 16 ribaundla komandasının qələbəsində mühüm rol oynayıb.

Qeyd edək ki, U-20 millimiz qrup mərhələsində növbəti oyununu iyulun 14-də Bakı vaxtı ilə saat 22:30-da İrlandiya yığmasına qarşı keçirəcək.