"Neftçi SOCAR" klubu 3x3 basketbol üzrə Dünya Qadın Seriyasının Orlean (Fransa) mərhələsinin qalibi olub.

Prosport.Az xəbər verir ki, Azərbaycan təmsilçisi 1/4 finalda İspaniya millisinə 20:14, yarımfinalda Niderlandın "Amsterdam" klubuna 17:13 hesabları ilə qalib gələrək finala vəsiqə qazanıb.

Finalda ev sahibi Fransa yığması ilə üz-üzə gələn təmsilçimiz gərgin mübarizənin yekununda 21:20 hesabı ilə qələbə qazanıb və Orlean mərhələsinin çempionu olub.

23:15

"Neftçi SOCAR" 3x3 basketbol üzrə Dünya Qadın Seriyasının Orlean (Fransa) mərhələsində yarımfinal oyununu keçirib.

Prosport.Az xəbər verir ki, Nderlandın "Amsterdam" klubu ilə üz-üzə gələn Azərbaycan təmsilçisi 17:13 hesablı qələbə ilə finala yüksəlib.

Komandamız həlledici görüşdə ev sahibi Fransa ilə qarşılaşacaq.

22:15

3x3 basketbol üzrə Dünya Qadın Seriyasının Orlean (Fransa) mərhələsində 1/4 final oyunu keçirilib.

Prosport.Az xəbər verir ki, ölkəmizi bu mərhələdə təmsil edən “Neftçi SOCAR” komandası İspaniya yığması ilə qarşılaşıb.

Oyun 20:14 hesabı ilə “Neftçi SOCAR”ın xeyrinə bitib. Azərbaycan klubu yarımfinalda "Amsterdam"la qarşılaşacaq.