Azərbaycanın 3x3 basketbol üzrə qadınlardan ibarət millisi Avropa Kubokuna vəsiqə qazanıblar.

Prosport.Az xəbər verir ki, Kosovonun paytaxtı Priştinada keçirilən seçmə mərhələdə yığmamız əvvəlcə yarımfinalda ev sahibi Kosovonu məğlub edib. Final qarşılaşmasında isə basketbolçularımız İrlandiya seçməsini 21:20 hesabı ilə üstələyərək Avropa Kuboku 2026-ya vəsiqə qazanıblar.

Beləliklə, millimiz sentyabrın 11-13-də Belçikanın Antverpen şəhərində keçiriləcək qitə birinciliyinin final mərhələsində çıxış edəcək.

Kişilərdən ibarət milli isə yarımfinalda Kiprlə üz-üzə gəlib. Yığmamız bu oyunda 10:21 hesabı ilə məğlub olaraq mübarizəni dayandırıb.

Qeyd edək ki, qadın millimiz qrup mərhələsində Kipr (16:10) və Malta (15:14) üzərində qələbə qazanaraq yarımfinala yüksəlmişdi.

19:00

Kosovonun paytaxtı Priştinada keçirilən 3x3 basketbol üzrə Avropa Kubokunun seçmə mərhələsi davam edir.

Prosport.Az xəbər verir ki, Azərbaycanın qadınlardan ibarət millisi yarımfinalda ev sahibi Kosovo yığması ilə üz-üzə gəlib. Basketbolçularımız rəqibini 21:5 hesabı ilə məğlub edərək turnirin finalına vəsiqə qazanıblar.

Beləliklə, yığmamız FIBA 3x3 Avropa Kuboku 2026-nın seçmə mərhələsində həlledici oyuna yüksəlib.

Qeyd edək ki, final qarşılaşması bu gün saat 20:05-də start götürəcək.