Bu gün veteran stolüstü tennisçilər arasında Azərbaycan çempionatına start verilib.

Prosport.Az xəbər verir ki, yarış Şüa İdman Kompleksində keçirilir və turnirdə 60-a yaxın idmançı mübarizə aparır.

Çempionatda kişilər 40-49, 50-59, 60-69, 70 və daha yuxarı yaş qruplarında, qadınlar isə 40 yaşdan yuxarı kateqoriyada bacarıqlarını nümayiş etdirirlər.

Veteran idmançıların iştirak etdiyi yarış iyunun 7-də başa çatacaq. Turnirin sonunda yaş qrupları üzrə qalib və mükafatçılar müəyyənləşəcək.