Bakıda keçiriləcək “UFC Fight Night” turnirinin bilet qiymətləri bəlli olub.

Prosport.Az xəbər verir ki, iyunun 27-də Milli Gimnastika Arenasında təşkil olunacaq döyüş gecəsinə biletlərin qiyməti sektorlardan asılı olaraq 50 - 2200 AZN arasında dəyişir.

Turnir saat 17:00-da başlayacaq və 23:00-a qədər davam edəcək.

Qeyd edək ki, UFC-nin rəsmi saytında əsas döyüş kimi Rafael Fiziyev - Manuel Torres qarşılaşması göstərilib.

Yüngül çəki dərəcəsində çıxış edən daha bir idmançımız Nazim Sadıxov isə Mateus Kamilo ilə qarşılaşacaq. Nazim Sadıxov bu günə kimi 14 döyüşə çıxıb. Onlardan 11 qələbə, iki məğlubiyyəti var.

Yarımorta çəki dərəcəsində mübarizə aparan azərbaycanlı Fərman Həsənov isə debüt görüşünü amerikalı Erik Nolana qarşı keçirəcək. Fərmanın qarışıq döyüş növlərində 5 qələbəsi var və məğlubiyyəti yoxdur.