Azərbaycanın UFC döyüşçüsü Rafael Fiziyev Bakıda turnirdə keçirəcəyi döyüşə hazırlığını Tailandda davam etdirir.

Prosport.Az xəbər verir ki, “Ataman” ləqəbli idmançı “Tiger Muay Thai” düşərgəsində intensiv şəkildə hazırlaşır.

Fiziyev həm texniki hazırlıq, həm də sparrinq üzərində işləyərək Bakıdakı döyüşə formada çıxmağa çalışır.

Qeyd edək ki, Bakıda UFC turniri iyunun 27-də Milli Gimnastika Arenasında keçiriləcək. Gecənin əsas döyüşündə Rafael Fiziyev meksikalı Manuel Torreslə üz-üzə gələcək.