Bakıda Beynəlxalq Şahmat Federasiyası (FIDE) Şurasının iclasında 2 federasiya üzv qəbul olunub.

Prosport.Az xəbər verir ki, FIDE prezidenti Arkadi Dvorkoviçin rəhbərliyi altında baş tutan iclasda şahmat ilinin təqvimi əsas müzakirə mövzusu olub. Bəzi mötəbər şahmat yarışlarına ev sahibliyi etmək istəyən ölkələrin adları açıqlanıb. Həmin yarışlarla bağlı ilin sonunda qərar veriləcəyi ilə bağlı razılıq əldə olunub.

İclasda həm də şahmatçıların reytinq hesablamasında yeniliklərlə bağlı təkliflər səsləndirilib. FIDE rəsmiləri şahmat ictimaiyyətinin məsələyə münasibətini öyrənmək üçün zamana ehtiyac olduğunu bildirib.

2 federasiyanın müraciətinə baxılıb. Tonqa və Yeni Kaledoniyanın FIDE üzvlüyünə qəbul edilməsi barədə qərar verilib.