"Abşeron Layns" komandasının haqqını vermək lazımdır. Sona qədər mübarizə apardılar. Baxmayaraq ki, heyətində zədəli oyunçular var idi.

Prosport.Az xəbər verir ki, bu sözləri "Sabah"ın baş məşqçisi Rimas Kurtinaytis Azərbaycan Basketbol Liqasının final seriyasında "Abşeron Layns"a 108:95 hesabı ilə qalib gəldikləri oyundan sonra deyib.

Litvalı müətəxəssis çətin mövsümü arxada qoyduqlarını bildirib: "Bugünkü uğurumuza çox sevinirik. Çempionlar Liqasında iştirak etmək hüququ qazanmışıq, növbəti oyunlarımız necə olacaq, bunu zaman göstərəcək".

Qeyd edək ki, final seriyasının hər 3 oyununda qələbə qazanan "Sabah" ardıcıl 4-cü dəfə Azərbaycan çempionu olub.