"Məncə, B qrupunun 1-cisi ilə yarımfinal uğrunda ən çətin görüşləri oynadıq. Son nəticədə də gərgin oyunlardan sonra mərhələ adlamaq bizi xoşbəxt edir".

Prosport.Az xəbər verir ki, bu gün "Gəncə" "Ordu"ya Bakıdakı səfər oyunundan sonra qalib gəlib – 88:78. 

"Gəncə"nin baş məşqçisi Halil Atlı fikirlərini bölüşüb: "Komandamı təbrik edirəm, qürur duyuram. Əla oynadılar. Ötən mövsüm pley-offda dayanmışdıq. İndi bunun çoxunu etdik. Yarımfinaldakı rəqibimiz liqanın ən güclüsüdür. Seriya matçları oynamaq asan deyil. Gərgin perioddan keçirik, belə də davam edəcək. Bunun fərqindəyik. Komandama güvənirəm. Mübarizəni sevən kollektivimiz var. Buna bizi sövq edən də azarkeşlərimizdir. Onları ev və səfər görüşlərində gözləyəcəyəm. Tribunaların dolmasını istəyirəm. Çünki rəqib də güclüdür. Çox ciddi nöqtədəyik. Xoşbəxtəm, inşallah, bu mərhələni də keçmək üçün əlimizdən gələni edəcəyik".

Qeyd edək ki, Azərbaycan Kubokunun sahibi "Gəncə" yarımfinalda "Naxçıvan"a hər iki matçda qalib gəlmiş "Sabah"la qarşılaşacaq. Yarımfinal mərhələsi 22 apreldə baş tutacaq.