Azərbaycan Basketbol Liqasında (ABL) yarımfinal cütləri məlum olub 

Azərbaycan Basketbol Liqasında (ABL) play-off mərhələsinin sonuncu 1/4 final oyunları keçirilib.

Prosport.Az xəbər verir ki, günün ilk matçında "Neftçi" əlavə vaxtın sonunda NTD üzərində 102:97 hesablı qələbə qazanıb. Bu qələbə ilə "Neftçi" seriyada 2:1 hesablı qələbə qazanıb və yarımfinala vəsiqəni rəsmiləşdirib. Finala gedən yolda rəqib "Abşeron Layns" olacaq.

Günün 2-ci görüşündə "Ordu" və "Gəncə" klubları qarşılaşıblar. Oyun qərb təmsilçisinin 88:78 hesablı qələbəsi ilə bitib. Bu qələbə ilə "Gəncə" seriyada 2:1 hesabı ilə önə keçib və yarımfinalda "Sabah"a rəqib olub. 

Qeyd edək ki, yarımfinalda ilk oyunlar 22-23 apreldə keçiriləcək. Reqlamentə əsasən, seriyalarda ən tez 2 qələbə qazanan klublar finala vəsiqə qazanacaqlar.