"Sabah" basketbol klubunun U-18 komandası Çempionlar Liqasında bu gün 2-ci matçına çıxacaq.

Prosport.Az xəbər verir ki, Bakı təmsilçisi B qrupunda Almaniyanın "Porşe BBA" kollektivi ilə üz-üzə gələcək.

Qarşılaşma Bosniya və Herseqovinanın Laktaşi şəhərindəki idman zalında, Bakı vaxtı ilə saat 19:30-da start götürəcək.

Qeyd edək ki, komanda ilk oyunda Bosniya və Herseqovina təmsilçisi "İqokea"ya 58:88 hesabı ilə məğlub olub.

Reqlamentə əsasən, qrup qalibləri yarımfinala vəsiqə qazanacaq. 2-ci yeri tutanlar 5-8-ci, sonuncu yerin sahibləri isə 9-12-ci yerlər uğrunda mübarizə aparacaq.