NTD Azərbaycan Basketbol Liqasının pley-in mərhələsinin 2-ci oyununda "Sumqayıt"a 95:88 hesabı ilə qalib gəlib.

Prosport.Az xəbər verir ki, hər iki komandanın baş məşqçisi matçla bağlı fikirlərini bölüşüb.

Tahir Baxşıyev (NTD): "Bilirdik ki, səfərdə bizi çətin oyun gözləyir. Komandanı pley-off mərhələsinə yüksəlməsi münasibətilə təbrik edirəm. Ən maraqlı anlar hələ qabaqdadır, amma eyni zamanda ən çətin sınaqlar da bizi irəlidə gözləyir. Yolumuza davam edirik. Ümid edirik və inanırıq ki, növbəti mərhələdə də uğurlu çıxış edəcəyik. Azarkeşləri sevindirmək üçün əlimizdən gələni edəcəyik".

Vadim Kuramşın ("Sumqayıt"): "Hər şeydən öncə NTD-ni pley-offa vəsiqə qazanması münasibətilə təbrik edirəm. Bu komandanın zəngin basketbol tarixi var. Onlara pley-offda uğurlar arzulayıram. Biz bu komandanı ölkə kubokunda məğlub etdikdən sonra onlar çox gücləndilər. Komandamız 4 legionerlə pley-in mərhələsində güclənmiş NTD-yə qarşı müqavimət göstərməkdə çətinlik çəkdi. İstənilən halda, büdcəmizi nəzərə alsaq, mövsüm boyunca heç də pis təsir bağışlamadıq. Hər halda, mövsüm boyunca 4 legionerlə oynadıq. Bir çox oyunda parlaq qələbələr qazandıq. Komandamızın hər bir üzvünə, bizə dəstək verən hər bir azarkeşə təşəkkür edirəm. Xüsusi təşəkkürüm isə, komandamızın oyun qurucusu Keon Klerqotadır. O, xal göstəricisinə görə müntəzəm çempionatın lideri oldu. Mövsüm ərzində Klerqot 700-dən çox xal yığdı. Bu göstəricidə MVP mükafatları qazanananlardan ikiqat xal topladı. Hələ nəzərə alaq ki, Keon ən çox assist edən oyunçuların siyahısında da ilk “5-liy”ə daxil oldu. Təəssüf ki, MVP mükafatını qazanmadı.  Yenə də rəhbərliyə, oyunçulara və azarkeşlərə mövsümə görə təşəkkür edirəm!"