"Sərhədçi" Azərbaycan Basketbol Liqasının pley-in mərhələsinin 2-ci oyununda da "Naxçıvan"a uduzub.

Prosport.Az xəbər verir ki, "Sərhədçi"nin baş məşqçisi Anar Sarıyev matçla bağlı fikirlərini bölüşüb:

“Əvvəlcə rəqibi təbrik edirəm. Çox yaxşı mübarizə apardılar və qələbə qazandılar. Bizim komandaya gəlincə, çempionatın ən gənc heyətinə sahib idik. Legionerlərin də demək olar ki, hamısı ilk dəfə peşəkar meydan görürdülər. Hamısı kollec liqalarından gəlmişdi. Baxmayaraq ki, “Naxçıvan” daha peşəkar oyunçulardan qurulmuşdu, biz yaxşı mübarizə apardıq. Amma gücümüz tam çatmadı. Oyunçularımız məşqlərinə davam etsə, gələcəkdə daha yaxşı klublarda çıxış edəcəklər. Hamıya təşəkkür edirəm. Klub prezidentinə, oyunçulara, bütün heyətə “sağ ol” deyirəm ki, mövsümü sevindirici olmasa da, başa vurduq. Yaxşı və pis günlərimiz oldu”.