Azərbaycan Basketbol Liqasında pley-in mərhələsinin 2-ci oyunlarına bu gün start veriləcək.

Prosport.Az xəbər verir ki, ilk oyun günündə 2 qarşılaşma baş tutacaq.

Əvvəlcə "Şəki" "Quba"nı qəbul edəcək. Qarşılaşma Şəki Olimpiya İdman Kompleksində, saat 14:00-da start götürəcək. Komandalar arasında baş tutan ilk oyunda "Şəki" 101:89 hesablı qələbə qazanıb.

Günün son matçında "Sərhədçi" "Naxçıvan"la üz-üzə gələcək. Görüş "Sərhədçi" İdman Mərkəzində, saat 20:00-da start götürəcək. Tərəflər arasındakı ilk görüşdə "Naxçıvan" rəqibini 98:87 hesabı ilə üstələyib.

Qeyd edək ki, pley-in mərhələsinin 2-ci oyunları aprelin 7-də yekunlaşacaq.