"Gəncə” Azərbaycan Basketbol Liqasının pley-inn mərhələsinin ilk oyununda "Lənkəran"a 89:55 hesabı ilə qalib gəlib.

Prosport.Az xəbər verir ki, hər iki komandanın baş məşqçisi oyunla bağlı fikirlərini bölüşüb:

Georgi Kondruseviç ("Lənkəran"): “Bilmirəm nə deyim. Rəqib komandanı qələbə münasibətilə təbrik edirəm. Onların oyunlarını daha da yaxşılaşdırmaq üçün geniş ehtiyatları var idi. Belə geniş heyətə malik rəqiblə rəqabət apara bilmirik. Bu oyunda da biz qeyri-sabit oynadıq”.

Halil Atlı ("Gəncə"): "Komandamı təbrik edirəm. Hamını oynatmaqla, hər kəsin bu işin bir parçası olmasına çalışdıq. Əsas rotasiyada olan oyunçuları qorumaq istədik. 2 gün sonra səfərdə oynayacağıq. Həmin matçı da qazanıb əsas işimiz olan pley-offa köklənəcəyik".