Azərbaycanlı MMA döyüşçüsü Tofiq Musayevin çilili İqnasio Baamondes üzərində qələbəsi tarixi nəticədir. Çünki ilk dəfə Azərbaycan MMA məktəbinin yetirməsi UFC kimi kimi 1 nömrəli turnirdə qalib gəldi.
Onun döyüşü həmçinin "Fight of the Night" (Gecənin döyüşü) seçildi. Buna görə hər 2 idmançıya 100 min dollar ekstra bonus mükafatı veriləcək.
Sevindirici haldır ki, daha əvvəl də azərbaycanlı Rafael Fiziyev və Nazim Sadıxov həm "Fight of the Night", həm də "Fight of the Performance" (Gecənin oerformansı) mükafatına sahib çıxıb. Buna görə əvvəl bonus 50 min dollar təşkil edirdisə, bu ildən bu məbləğ 100 min dollara qaldırılıb. İndiyədək azərbaycanlı idmançıların UFC-də ekstra bonus qazandıqları döyüşləri təqdim edirik. Rafael Fiziyev 7 dəfə, Nazim Sadıxov isə 4 dəfə (Bakıda 1 döyüşdə 2 nəticəyə imza atıb) ekstra bonus qazanıb.
Rafael Fiziyev (ardıcıl 6 döyüşü UFC-də gecənin döyüşü və ya gecənin performansı seçilib)
18.07.2020 Rafael Fiziyev – Mark Diakise (İngiltərə) – Gecənin döyüşü seçilib, Rafael qalib gəlib
12.12.2020 Rafael Fiziyev – Renato Moykano (Braziliya) – Gecənin performansı seçilib, Rafael qalib gəlib
07.08.2021 Rafael Fiziyev – Bobi Qrin (ABŞ) – Gecənin döyüşü seçilib, Rafael qalib gəlib
04.12.2021 Rafael Fiziyev – Bred Ridl (Yeni Zelandiya) – Gecənin performansı seçilib, Rafael qalib gəlib
09.07.2022 Rafael Fiziyev – Rafael dos Anjos (Braziliya) – Gecənin performansı seçilib, Rafael qalib gəlib
18.03.2023 Rafael Fiziyev – Castin Qeyci (ABŞ) – Gecənin döyüşü seçilib, Rafael uduzub
08.03.2025 Rafael Fiziyev – Castin Qeyci (ABŞ) – Gecənin döyüşü seçilib, Rafael uduzub
Nazim Sadıxov
18.02.2023 Nazim Sadıxov – Evan Elder (ABŞ) – Gecənin döyüşü seçilib, Nazim qalib gəlib
23.11.2023 Nazim Sadıxov – Vyaçeslav Borşşev (Rusiya) – Gecənin döyüşü seçilib, heç-heçə olub
21.06.2025 Nazim Sadıxov – Nikolas Motta (ABŞ) – Gecənin həm performansı, həm də döyüşü seçilib, Nazim qalib gəlib
Tofiq Musayev
28.03.2026 Tofiq Musayev – İqnasio Baamondes (Çili) – Gecənin döyüşü seçilib, Tofiq qalib gəlib
Qeyd edək ki, "Fight of the Night"da hər 2 idmançıya, "Fight of the Performance"da yalnız qalibə (performansdan asılı olaraq qalibə yox, uduzana verilə bilər) 100 min dollar ekstra bonus verilir. Bundan başqa, nokaut və rəqibi təslim olmağa məcbur etmə (submission) ilə qalib gələnlərə isə əlavə 25 min dollar pul verilir.
Səbuhi Musa