Azərbaycanın Mütləq Döyüş Çempionatındakı (UFC) təmsilçisi Tofiq Musayev bu təşkilatda ilk qələbəsini qazanıb.

Prosport.Az xəbər verir ki, 36 yaşlı idmançı ABŞ-nin Sietl şəhərində təşkil olunan turnirdə İqnasio Baamondeslə (Çili) qarşılaşıb.

Gərgin keçən 3 raundda qalib müəyyənləşməyib. Hakimlər isə yekdilliklə Tofiq Musayevin qələbəsinə səs verib. Bu, Tofiq Musayevin UFC-də ilk, peşəkar MMA-da 23-cü qələbəsi olub.

Qeyd edək ki, idmançı ilk döyüşündə, ötən il iyunun 22-də Bakıda özündən 5 kq artıq çəkidə olan Mıktıbek Orolbaya (Qırğızıstan) uduzub. İqnasio Baamondes də sonuncu dəfə Bakıdakı turnirdə təmsilçimiz Rafael Fiziyevə məğlub olmuşdu. Tofiq Musayevin rəqibi aprelin 5-də braziliyalı Samuel Sanşes olsa da, cənubi amerikalı döyüşçü zədələndiyindən, rəqibi dəyişmişdi.