Azərbaycan Kikboksinq Federasiyasının fəxri prezidenti Adil Əliyev WAKO-nun (Dünya Kikboksinq Təşkilatları Assosiasiyası) İnkişaf Komitəsinin üzvü təyin olunub.

Prosport.Az xəbər verir ki, komitənin əsas məqsədi kikboksinqin dünya üzrə inkişaf etdirilməsi, ölkələr arasında əməkdaşlığın gücləndirilməsi, idman vasitəsilə qarşılıqlı anlaşmanın təşviqi və beynəlxalq tədbirlərin təşkili istiqamətində fəaliyyət göstərməkdir.

İnkişaf Komitəsinin sədri WAKO-nun I vitse-prezidenti norveçli Espen Lunddur. O, İtaliyada ötən ilin sentyabrın 14-də WAKO Avropanın prezidenti seçilib.

Qeyd edək ki, Adil Əliyev həm də Suraxanı Rayon İcra Hakimiyyətinin başçısıdır.