Azərbaycanın qadınlardan ibarət 3x3 basketbol millisi Tailandın paytaxtı Banqkokda keçirilən FIBA Çempionlar Kubokunda gümüş medal qazanıb.

Prosport.Az xəbər verir ki, finalda Niderland seçməsi ilə üz-üzə gələn yığma 12:21 hesabı ilə uduzub.

Milli daha əvvəl ABŞ-yə qarşı keçirdiyi yarımfinal matçında 22:20 hesablı qələbə qazanmışdı.

Qeyd edək ki, turnirin qalibi FIBA 3x3 Çempionlar Kuboku 2027, FIBA 3x3 Dünya Kuboku 2027 və 2028-ci il Yay Olimpiya Oyunlarına vəsiqə qazandıran Olimpiya Təsnifat turnirində iştirak hüququ əldə edib.

11:47

Qadınlardan ibarət 3x3 basketbol millimiz FİBA Çempionlar Kubokunun finalına vəsiqə qazanıb

Prosport.Az xəbər verir ki, bu gün Tailandın paytaxtı Banqkokda qadınlar arasında keçirilən 3x3 basketbol üzrə FİBA Çempionlar Kubokunda yarımfinal oyunları keçirilib.

Millimiz yarımfinal oyununda basketbolun yaradıcıları sayılan ABŞ yığması üzərində 22:20 hesablı qələbə qazanaraq, finala yüksəlib. Finalda rəqibimiz Niderland seçməsi olacaq. Oyun Bakı vaxtı ilə saat 14:05-də baş tutacaq.

Xatırladaq ki, yığmamız əvvəlcə B qrupunda Kanadaya 10:16 uduzsa da, meydan sahibi Tailandı 21:8, İspaniyanı isə 16:11 məğlub edərək 2-ci kimi yarımfinala vəsiqə qazanmışdı.

Qeyd edək ki, turnirin qalibi növbəti il keçiriləcək FIBA 3x3 Çempionlar Kuboku və FIBA 3x3 Dünya Kubokuna, eləcə də 2028-ci ildə baş tutacaq Yay Olimpiya Oyunlarına vəsiqə verən Olimpiya Təsnifat turnirində iştirak hüququ qazanacaq.