"Naxçıvan" Azərbaycan Basketbol Liqasının XIX turunda "Sərhdəçi"ni 83:67 hesabı ilə məğlub edib.

Prosport.Az xəbər verir ki, hər 2 komandanın baş məşqçisi oyunla bağlı fikirlərini bölüşüb.

Nikolo Bozinoski ("Naxçıvan"): "Bu matça yaxşı hazırlaşmışdıq. Oyun boyu müdafiədə inamlı təsir bağışladıq. Matçın müəyyən bir bölümündə fərqli performanslar göstərmiş ola bilərik. 3 xallıq atışlarda aşağı göstərici ilə yadda qaldıq. Buna görə də oyun bizim üçün bir az çətin keçdi. Pley-off mərhələsində rəqibin kimliyindən aslı olmayaraq öz performansımızı sərgiləmək istəyirik".

Anar Sarıyev ("Sərhədçi"): "Bu gün oyuna heç hazır deyildik. Basketbol təkcə hücumdan ibarət deyil. Müdafiədə də inamlı çıxış etmək lazımdır. Demək olar ki, komandada heç kim müdafiə olunmaq istəmirdi. Hamı hücumu düşünürdü. Rəqibin heyətindəki basketbolçuların hamısı birə-bir epizodlarda bizi keçib xal qazandı. Çox şey demək istəmirəm. Niyə belə olmasının səbəbləri var. Komanda özünü toparlamalıdır. “Sumqayıt”la bizi vacib oyun gözləyir, çox önəmlidir. Biz toparlanıb son matçda yaxşı çıxış etməliyik”.