"Sabah" Azərbaycan Basketbol Liqasının XVIII turunda səfərdə "Şəki"yə 102:82 hesabı ilə qalib gəlib.

Prosport.Az xəbər verir ki, hər 2 komandanın baş məşqçisi görüşlə bağlı fikirlərini bölüşüb.

Rimas Kurtinaytis ("Sabah"): "Milli komandaların oyunları ilə əlaqədar yaranan 10 günlük fasilə tonus və temp baxımından basketbolçulara yaxşı təsir etmir. Lakin biz oyunçularımıza istirahət edib bərpa olunmaları üçün zaman verdik. Daha sonra isə məşqlərə başladıq. Yol yorğunluğu oyunumuza təsir etsə də, qələbə qazanmağı bacardıq".

Bedri Meriç ("Şəki"): "Bu gün xüsusilə ilk hissədə göstərdiyimiz mübarizədən çox razıyam. Pley-off yaxınlaşdıqca həm kubokda, həm də bu gün çempionatın güclü komandalarına qarşı yaxşı basketbol oynamışıq. Bu, bizə qarşıdakı hədəf matçlarımız üçün motivasiya verir. Bugünkü matça təfsilatı ilə yanaşsam, rəqib onlara verdiyimiz hücum ribaundları və bunun qarşılığında 2-ci şans xalları ilə matçda qalib gəldi. Rəqibimizi təbrik edirik, yolumuza davam edirik”.