Kişi basketbolçulardan ibarət Azərbaycan millisi AVRO-2029-un seçmə mərhələsində növbəti oyununa çıxıb.

Prosport.Az xəbər verir ki, qrup lideri və məğlubedilməz Şimali Makedoniya yığmasını qəbul edən Tahir Baxşıyevin baş məşqçisi olduğu kollektiv 70:78 hesabı ilə uduzub. Qarşılaşma Bakı İdman Sarayında təşkil olunub.

Qrupun digər görüşündə İrlandiya Lüksemburqu 91:85 məğlub edərək ilk qələbəsini qazanıb.

Daha əvvəl Şimali Makedoniya (49:87) və Lüksemburqa (90:95) uduzan Azərbaycan millisi İrlandiyanı (76:75) məğlub edib.

A qrupunda Şimali Makedoniya 8 xalla liderdir. Lüksemburq 6 xalla 2-ci, 5 xala malik Azərbaycan millisi 3-cüdür. İrlandiya 5 xalla 4-cü pillədə qərarlaşıb.