Kişi basketbolçulardan ibarət Azərbaycan millisi Avropa çempionatının seçmə mərhələsində ilk qələbəsini qazanıb.

Prosport.Az xəbər verir ki, Dublində İrlandiya komandasının qonağı olan Tahir Baxşıyevin baş məşqçisi olduğu yığma rəqibinə 76:75 hesabı ilə qalib gəlib.

Bununla da yığmamız 14 il sonra səfərdə qalib gəlməyə nail olub. Komandamız sonuncu dəfə 2012-ci ildə səfərdə Lüksemburqa 101:78 qalib gələ bilmişdi.

A qrupunun digər görüşündə lider Şimali Makedoniya Lüksemburqdan üstün olub – 79:70. 

Millimiz martın 2-də Şimali Makedoniya millisini qəbul edəcək. Saat 20:00-da başlayacaq oyun Bakı İdman Sarayında keçiriləcək.

Xatırladaq ki, Azərbaycan millisi daha əvvəl səfərdə Şimali Makedoniya (49:87) və evdə Lüksemburqa (90:95) uduzub. Komanda qrupda 4 xalla 3-cü pilləyə yüksəlib.