Bu gün şahmat üzrə qadınların yarışında qalib və mükafatçılar məlum olub.

Prosport.Az xəbər verir ki, 3-cü yer uğrunda görüşdə Gülnar Məmmədova Türkan Məmmədyarovanı üstələyib – 1,5:0,5.

Final görüşündə isə Ülviyyə Fətəliyeva Ayan Allahverdiyevanı məğlub edib. Tay-brekdə 1,5:0,5 hesablı qələbə qazanan Ülviyyə Fətəliyeva karyerasında ilk dəfə Azərbaycan çempionu olub.

Qeyd edək ki, ötən gün kişilər arasında ölkə çempionu müəyyənləşib. Məhəmməd Muradlı 1-ci, Şəhriyar Məmmədyarov 2-ci, Aydın Süleymanlı isə 3-cü yeri tutub.