Kişi şahmatçılar üzrə Azərbaycan çempionu bilinib.

Prosport.Az xəbər verir ki, bu gün final mərhələsinin cavab görüşləri keçirilib. Cavab oyunlarında rəmzi ilk gedişi gənclər və idman naziri Fərid Qayıbov edib.

Şəhriyar Məmmədyarov – Məhəmməd Muradlı mübarizəsində cavab oyunu həlledici olub. Ağ fiqurlarla çıxış edən M.Muradlı gərgin görüşdə qalib gəlib.

2 görüşün yekun nəticəsinə əsasən 1,5:0,5 hesabıyla qələbə qazanan Məhəmməd Muradlı 3-cü dəfə Azərbaycan çempionu tituluna sahib çıxıb.

Yarışın reytinq-favoriti Şəhriyar Məmmədyarov ardıcıl 2-ci il finalda uduzaraq gümüş medalla kifayətlənib. Xatırladaq ki, o, ötən il Rauf Məmmədova finalda uduzmuşdu.

Qeyd edək ki, qadınların finalında Ülviyyə Fətəliyeva ilə Ayan Allahverdiyava arasında görüş davam edir.