"Gəncə" basketbol üzrə Azərbaycan Kubokunun 1/4 final mərhələsində "Neftçi"yə 95:92 hesabı ilə qalib gələrək yarımfinala yüksəlib.

Propsort.Az xəbər verir ki, hər iki komandanın baş məşqçisi matçla bağlı fikirlərini bölüşüb.

Halil Atlı ("Gəncə"): "Çox pis başladığımız oyunu son nəticəyə daşıdıq. Komandamı buna görə təbrik edirəm, yarımfinaldayıq. Belə oyunlar çempionatdan fərqlənir. Meydançada kim qələbəni daha çox arzulayırsa, o da istəyinə çatır. Fasilədən sonra, oyunun 2-ci bölümündə qalib gəlməyi çox istədik. Texniki dəyişikliklər işə yaradı. Çətin qələbə qazandıq. Addım-addım irəliləyəcəyik. Növbəti oyuna konsentrasiya olacağıq".

Vitali Stepanovski ("Neftçi"): "Bu, azarkeşlər üçün çox maraqlı bir oyun idi. Görüşə çox yaxşı başladıq və vaxtın böyük hissəsində oyuna nəzarət etdik. Təəssüf ki, 4-cü hissədə tempi kifayət qədər yaxşı idarə edə bilmədik və bir neçə tələsik hücum etdik, bu da bizə istədiyimiz nəticəni əldə etməyə imkan vermədi".