Azərbaycan Basketbol Liqasının XVI turunda "Abşeron Layns" səfərdə "Şəki"ni məğlub edib.

Prosport.Az xəbər verir ki, Şəki Olimpiya İdman Kompleksində baş tutan görüşdə sensasiya baş verməyib və qonaqlar 92:85 hesablı qələbə qazanıb.

Turun son görüşü Bakı İdman Sarayında "Neftçi" və "Sabah" arasında baş tutacaq. Bu matç saat 18:00-da başlayacaq.

Qeyd edək ki, turun daha əvvəl keçirilən görüşlərində "Sumqayıt" "Lənkəran"ı (102:77), "Quba" "Sərhədçi"ni (97:89), "Ordu" "Naxçıvan"ı (95:92) və "Gəncə" NTD-ni (104:85) məğlub edib.