“Nə deyim, deməyə elə də söz yoxdur. Sərt şəkildə gündəm oldum (hayp yarandı), texniki nokaut idi, konkret başımdan zərbələr aldım".

Prosport.Az xəbər verir ki, bunu Avstraliyanın Sidney şəhərində keçirilən UFC 325 turnirində braziliyalı Maurisio Rufiyə uduzan azərbaycanlı döyüşçü Rafael Fiziyev deyib.

O, döyüşün onun üçün olduqca ağır keçdiyini etiraf edib, lakin təslim olmayacağını vurğulayıb:

"Nə edək, mən cəsarətimin çatdığı həyatı yaşayıram. Hər kəsin bizim yaşadığımız həyata cəsarəti çatmır. Mən döyüşçüyəm, qayıdacağam, daha çox çalışacağam, inkişaf edəcəyəm və irəli getməyə çalışacağam. Qələbələrlə sevindirməyə çalışacağam. Dəstəyə görə hamınıza təşəkkür edirəm. Bu dəfə alınmadı, amma hələ alınacaq”.

Xatırladaq ki, Rafael Fiziyev UFC 325 turniri çərçivəsində keçirilən döyüşdə Maurisio Rufiyə 2-ci raundda texniki nokautla məğlub olub.