Azərbaycan Güləş Federasiyası yunan-Roma güləşi üzrə milli komandanın baş məşqçisi Aleksandr Tarakanovla yolların ayrıldığını açıqlayıb.

Prosport.Az xəbər verir ki, əməkdaşlıq qarşılıqlı razılaşma əsasında başa çatıb.

Rusiyalı mütəxəssisin yığmanı tərk edəcəyi artıq dekabrın sonlarında bəlli idi. Onu bu vəzifədə iranlı Məhəmməd Bəna əvəzləyəcək.

Qeyd edək ki, 2019-cu ilin oktyabr ayından baş məşqçi vəzifəsində çalışan Aleksandr Tarakanovun rəhbərliyi altında milli komanda 2 dəfə Avropa və 2 dəfə dünya çempionu olmaqla yanaşı, Tokio-2020 və Paris-2024 Yay Olimpiya Oyunlarında 1 bürünc medal qazanıb.