İyulun 28-də Çinin Çendu şəhərində keçiriləcək XXXI Ümumdünya Yay Universiadasında iştirak edəcək stolüstü tennisçiləri bəlli olub.

Prosport.Az-a verilən xəbərə görə, 110 ölkənin qatılacağı yarışda Azərbaycan 88 idmançı ilə təmsil olunacaq.

Onlardan 8-i stolüstü tennisçidir. Çendu sınaqlarında Fərhad İsmayılov və Könül Mikayılovanın rəhbərliyi ilə Zemfira Mikayılova, Xədicə Əbilzadə, Səbinə Məmmədova, Aliyə Haşımova, Nihad Məmmədov, İbrahim Ansari, Kənan Pənahov və Fəxri Abdullayev bacarığını göstərəcək.

Komandamız bu gecə Çinə yollanacaq. Universiadaya avqustun 8-də yekun vurulacaq.