Suraxanı Gənclər Evində "Ulu Öndər Heydər Əliyevin 100 illiyi" çərçivəsində ölkəmizi xaricdə təmsil edən idmançılarımızla gənclərin görüşü baş tutub.

Prosport.Az-a verilən xəbərə görə, görüşdə ABŞ-nin Azərbaycan əsilli çempionu, Amerika-Azərbaycan Gənclər və İdman assosiasiyasının sədri Elgün Xanoğlanlı, Budo döyüş növləri üzrə dünya çempionu, peşəkar MMA döyüşçüsü Ruslan Tağıyev, Suraxanı Gənclər Evinin işçi kollektivi, fəal gənc, könüllüləri və idmançılar iştirak edib.

Görüş zamanı ölkəmizdə bədən tərbiyəsi və idman siyasətinin, habelə gənclərlə bağlı aparılan işlərin daim ön planda olmasından danışılıb. Daha sonra idmançılarımız dövlətimizin, ölkə başçımızın və gənclər və idman nazirimizin onlara olan diqqət və qayğısından söz açıb. 

Həyat hekayəsindən, idmana olan sevgisindən, qazandığı uğurlardan, yetişdirdiyi tələbələrdən bəhs edən qonaqlarımız eyni zamanda gənclərin suallarına cavab verib, onları idmanı sevməyə və zərərli vərdişlərdən uzaq olmağa çağırıb. Görüş diskusiya şəklində davam edib.

Sonda birgə xatirə şəkilləri çəkilib.