Azərbaycan ağırlıqqaldıranı Ravin Alməmmədov (79 kq) Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında üç medal qazanıb.

Prosport.Az xəbər verir ki, milli üzvü birdən qaldırmada 155 kq ağırlığın öhdəsindən gələrək, bu hərəkətdə ikinci yeri tutub.

O, təkanla qaldırmada 190 kq çəkini başı üzərinə qaldırmaqla üçüncü olub.

R. Alməmmədov 2 hərəkətin cəmində isə 345 kq nəticə ilə fəxri kürsünün ikinci pilləsinə qalxıb.

Qeyd edək ki, bununla da ağırlıqqaldırma üzrə Azərbaycan millisinin İslamiadada qazandığı medalların sayı 9-a çatıb. Daha əvvəl Nuray Əbilova (48 kq) 3 bürünc, İsa Rüstəmov (71 kq) isə 1 gümüş və 2 bürünc mükafat əldə edib.