Azərbaycanlı MMA döyüşçüsü Vüqar Kərəmov Yaponiyada keçirilməsi planlaşdırılan Rizin turnirində iştirak edə bilməyəcək.

Prosport.Az xəbər verir ki, o, bu barədə özü bildirib

"Mən "Rizin" təşkilatından, onun prezidenti cənab Sakakibaradan və fanatlarımdan Yaponiyaya gələ bilmədiyim üçün üzr istəyirəm. 3 ay ağır məşqlərim oldu və çox yaxşı formada idim. Ancaq təəssüf ki, uçuşa 3 gün qalmış zəhərləndim və sağala bilmədim. Sağalmağım üçün əlimdən gələni edəcəyəm və yaxın gələcəkdə məşqlərə geri dönəcəyəm".

Qeyd edək ki, Vüqar Kərəmov sabah Yaponiyanın Kobe şəhərində "Rizin Landmark 12" turniri çərçivəsində yerli MMA idmançısı Koyomi Matsuşima ilə döyüşməli idi.