Azərbaycanlı Paralimpiya və dünya çempionu Lamiyə Vəliyeva ölkəmizə növbəti lisenziyanı qazandırıb.

Prosport.Az xəbər verir ki, Milli Paralimpiya Komitəsinin atletika idman növü üzrə yığma komandasının üzvü olan 21 yaşlı Vəliyeva Fransanın paytaxtı Parisdə keçirilən dünya çempionatında 400 metr qaçışda 55:34 saniyə nəticə göstərərək qızıl medala yiyələnib və XVII Yay Paralimpiya Oyunlarına birbaşa lisenziya qazanıb. 

Xatırladaq ki, Lamiyə Vəliyeva 100 metr qaçışda da qızıl medal qazanaraq XVII Yay Paralimpiya Oyunlarına lisenziyanı təmin etmişdi. Bu nəticə ilə Lamiyə Yay Paralimpiya Oyunlarında ölkəmizi 2 növdə (100 metr və 400 metr) təmsil edəcək.

Qeyd edək ki, bu dünya çempionatında daha öncə Oloxan Musayev (nüvə itələmə), Səid Nəcəfzadə və Orxan Aslanov (hər ikisi uzunluğa tullanma) Paris 2024  XVII Yay Paralimpiya Oyunlarına lisenziya əldə etmişdi.