Kişi şahmatçılardan ibarət Azərbaycan millisi Gürcüstanın Batumi şəhərində təşkil olunan komandalararası Avropa çempionatında növbəti görüşünü keçirib.

Prosport.Az xəbər verir ki, yığma VIII turda Ukrayna seçməsi ilə qarşılaşıb. Millimiz rəqibinə 2,5:1,5 hesabı ilə qalib gələrək xallarını 13-ə çatdırıb və liderliyə yüksəlib. Yığmanın heyətində yeganə qələbəni Rauf Məmmədov qazanıb. Şəhriyar Məmmədyarov, Aydın Süleymanlı, Məhəmməd Muradlı və Eltac Səfərli isə öz görüşlərini heç-heçə ilə başa vurublar.

Komandamız son turda qələbə qazansa, digər görüşlərin nəticələrindən asılı olmayaraq, 4-cü dəfə Avropa çempionu olacaq.

Qadınlardan ibarət Azərbaycan yığması isə Rumıniyanı eyni hesabla məğlub edib. Millimizin heyətində Xanım Balacayeva və Gülnar Məmmədova qələbə qazanıb, Ülviyyə Fətəliyeva heç-heçə edib, Ayan Allahverdiyeva isə məğlub olub.

Bu nəticədən sonra qadın yığmamız 10 xalla 6-cı pilləyə yüksəlib.