Azərbaycanı UFC-də təmsil edən Rafael Fiziyev braziliyalı döyüşçü Çarls Oliveyraya qarşı planlaşdırılan görüşdən imtina etməsi ilə bağlı açıqlama verib.

Prosport.Az xəbər verir ki, idmançı bu barədə “Uncaged Network” YouTube kanalına müsahibəsində danışıb:

Fiziyev özünü dəhşət pis hiss etdiyini bildirib: "Döyüşdən imtina etdim. Karyeram ərzində bu, ikinci dəfədir baş verir. Bu, mənim üçün çox pis hissdir, çünki bu, mənim arzu etdiyim döyüş idi. Əfsanəvi bir rəqibə – Çarlsa qarşı döyüşmək istəyirdim. Bu, istənilən döyüşçü üçün böyük hadisədir”.

İdmançının sözlərinə görə, Oliveyra ilə rəqibin vətəni Braziliyada döyüşmək onu motivasiya edirdi: “Çarlsın azarkeşlərini görəcəkdim, hər kəs mənə qarşı olacaqdı. Bu, həmişə məni daha da ruhlandırıb. Çünki Fiziyev yalnız rəqibi deyil, ətrafındakı hər şeyi darmadağın etmək istəyir. Əgər onu məğlub etsəm, ya hamı dəli olacaq, ya da mənim fanatıma çevriləcək”.

Qeyd edək ki, döyüş “UFC Fight Night 261” çərçivəsində Braziliyanın Rio-de-Janeyro şəhərində keçirilməli idi. Amma Rafael Fiziyev zədələndiyi üçün döyüşdən imtina edib.