Azərbaycanın ev sahibliyi etdiyi III MDB Oyunlarının çövkən yarışlarında bürünc medal uğrunda qarşılaşma keçirilib.

Prosport.Az xəbər verir ki, Şəki şəhər stadionunda reallaşan matçda Qırğızıstan və Qazaxıstan komandaları qarşılaşıb.

Maraqlı keçən matçda Qırğızıstan komandası 2:0 hesabı ilə qalib gələrək Oyunların bürünc medalına sahib çıxıb. Qazaxıstan isə çövkən yarışlarını 4-cü pillədə başa vurub.

III MDB Oyunlarında çövkən üzrə yarışın finalında isə Azərbaycan və Özbəkistan komandaları üz-üzə gələcək. Həlledici qarşılaşma oktyabrın 7-də keçiriləcək.