Bu gün ölkəmizdə keçirilən III MDB Oyunlarında badminton yarışlarına yekun vurulub.

Prosport.Az xəbər verir ki, Qəbələ Olimpiya İdman Kompleksində keçirilən yarışı badmintonçularımız 7 medalla başa vurub.

Qızların şəxsi yarışında Leyla Camalzadə gümüş medal qazanıb. Oğlanların şəxsi kateqoriyasında Ülvi Hüseynov, oğlanların qoşa yarışında Əli Gözəlov və Əmirxan İmanov, qızların qoşa yarışında Nəzrin Mehrəlizadə – Viktoriya Kumanyayeva, qarışıq qoşa kateqoriyasında Ülvi Hüseynov – Leyla Camalzadə, Əli Gözəlov – Yağmur Quliyeva tandemi bürünc medal qazanıb.

Qeyd edək ki, daha öncə Azərbaycan komanda yarışında bürünc medal qazanıb. Beləliklə, Azərbaycan badminton yarışlarında 1 gümüş və 6 bürünc medalla kifayətlənib.