Azərbaycan Çinin Çendu şəhərində keçirilən Dünya Oyunlarında 3-cü medalını qazanıb.

Prosport.Az xəbər verir ki, bu dəfə fəxri kürsüyə gimnastikanın tamblinq növü üzrə millimizin üzvü Tofiq Əliyev qalxıb. Öz çıxışına görə hakimlərdən 30.500 xal alan idmançı 2-ci yeri tutub.

Qızıl medala ABŞ-dan olan Keyden Braun, bürünc mükafata isə britaniyalı Fred Tiqa layiq görülüb.

Qeyd edək ki, Azərbaycan komandasının heyətində daha əvvəl qadın karateçi İrina Zaretska (68 kq) və Danil Abbasovla Murad Rəfiyevdən ibarət akrobatika dueti fəxri kürsünün 2-ci pilləsinə qalxıb. Azərbaycan hazırda 3 medalla ümumi sıralamada 35-cidir.