Azərbaycan cüdoçusu Elcan Hacıyev Almaniyanın Reyn-Rur regionunda keçirilən Ümumdünya Yay Universiadasında final görüşünə çıxıb.

Prosport.Az xəbər verir ki, 90 kq çəki dərəcəsində mübarizə aparan idmançı həlledici qarşılaşmada Cənubi koreyalı Kim Conqhunu sınağa çəkib.

Rəqibinə məğlub olan E.Hacıyev gümüş medalla kifayətlənib.

Beləliklə, cüdoçularımız tələbə oyunlarında fərdi yarışları 1 medalla başa vurublar.

Bununla da Azərbaycanın Universiadada qazandığı medalların sayı 4-ə çatıb. Daha əvvəl bədii gimnastika üzrə qrup hərəkətləri komandası iki qızıl və bir gümüş mükafat əldə edib.