Gürcüstanın Batumi şəhərində keçirilən qadınlar arasında şahmat üzrə Dünya kuboku Azərbaycan üçün başa çatıb.

Prosport.Az xəbər verir ki, azərbaycanlı şahmatçılar çıxışlarını 1/32 final mərhələsində başa vurub.

Ülviyyə Fətəliyeva gürcüstanlı Lela Cavaxişvili, Gülnar Məmmədova isə Polina Şuvalova (FIDE) ilə bu gün 2-ci görüşdə üz-üzə gəlib. İlk oyunlarında bu rəqiblərə uduzan şahmatçılarımız yollarına davam etmək üçün mütləq qələbə qazanmalı idilər. Amma Ülviyyə heç-heçə oynayıb, Gülnar isə növbəti də məğlub olub.

Qeyd edək ki, ilk mərhələdən sonra Gövhər Beydullayeva və Xanım Balacayeva Dünya kubokunda özlərindən reytinqdə aşağı olan rəqiblərinə uduzaraq mübarizəni dayandırıb. 1/64 finalda Xanım Balacayeva qazaxıstanlı Elnaz Kaliaxmetə (0,5:1,5), Gövhər Beydullayeva isə iranlı Anahita Zahedifərə (3,5:4,5) uduzub.

Ülviyyə Fətəliyeva isə bu mərhələdə Avstraliyanı təmsil edən çinli Janq Cilinə (1,5:0,5) və Gülnar Məmmədova Kanadanı təmsil edən çinli Yunşan Liyə (2,5:1,5) qalib gəlmişdi.

10:00

Gürcüstanın Batumi şəhərində qadın şahmatçılar arasında Dünya Kuboku davam edir.

Prosport.Az xəbər verir ki, ötən gün keçirilən 1/32 finalda Azərbaycan millisinin 2 şahmatçısı lövhə arxasına keçib.

Qrossmeysterlərimizdən Ülviyyə Fətəliyeva yerli Lela Cavaxişvili ilə, Gülnar Məmmədova rusiyalı Polina Şuvalova (FIDE) ilə görüşüb. Hər iki şahmatçımız ilk görüşdə məğlub olub. Bu gün tərəflər arasında 2-ci oyun baş tutacaq.

Qeyd edək ki, Gövhər Beydullayeva və Xanım Balacayeva Dünya Kubokunun ilk mərhələsində mübarizəni dayandırıb.