Gürcüstan Batumi şəhərində qadınlar arasında şahmat üzrə Dünya Kuboku davam edir.

Prosport.Az xəbər verir ki, azərbaycanlı zəka sahibləri ikinci dövrənin cavab oyunlarına çıxıblar.

Şahmatçılarımız 4-ü də günü heç-heçə ilə başa vurub. Nəticədə Ülviyyə Fətəliyeva 2 oyundan sonra növbəti mərhələyə yüksəlib. Xanım Balacayeva qazaxıstanlı rəqibinə uduzaraq, mübarizəni dayandırıb.

Digər iki şahmatçımız - Gövhər Beydullayeva və Gülnar Məmmədova isə bu gün tay-brekdə güclünü müəyyənləşdirəcək. Onlar, müvafiq olaraq, iranlı Anahita Zahedifar və kanadalı Yunşan Li ilə qarşılaşacaqlar.

Qeyd edək ki, Dünya Kubokunun ümumi mükafat fondu 691 250 ABŞ dollarıdır. Qalib şahmatçı 50 min dollar qazanacaq. Yekunda ilk 3 yeri tutacaq şahmatçı İddiaçılar Turnirinə vəsiqə əldə edəcək.